२०८२ मंसिर ९ गते मंगलवार
२०८२ मंसिर ९ गते मंगलवार
काठमाडौं । न्युजिल्याण्डको सबैभन्दा अग्लो आओराकी अर्थात् माउन्ट कूकबाट खसेर दुई जना पर्वतारोहीको मृत्यु भएको छ । दुवैको शव हिमाल आरोहण गर्दा प्रयोग गर्ने डोरीमा अल्झिएको अवस्थामा पाइएको बीबीसीले जनाएको छ ।
मृतकको पहिचान सार्वजनिक भएको छैन । यद्यपि एक जना ख्यातिप्राप्त गाइड भएको जनाइएको छ । उनीहरुको टोलीका अन्य दुई जना घाइते भएका छन् । घाइतेको मंगलबार बिहानै हेलिकप्टरबाट उद्धार गरिएको छ ।
आओराकी हिमाल ३ हजार ७२४ मिटर अग्लो छ । प्रतिकूल मौसम र ठुल्ठुला खाल्डाका कारण यो हिमाल आरोहण पोख्त आरोहीका लागि समेत निकै कठिन मानिन्छ । यो हिमाल चढ्ने क्रममा थुप्रै आरोहीको ज्यान गइसकेको छ ।
© 2025 All right reserved to khabarcnter.com | Site By : Sobij
