२०८२ मंसिर ३ गते बुधवार
२०८२ मंसिर ३ गते बुधवार
काठमाडौं । नेकपा एमालेका अध्यक्ष केपी शर्मा ओलीले प्रधानमन्त्री सुशीला कार्कीलाई कस्तो चुनाव गराउन खोजेको हो भन्दै प्रश्न गरेका छन् ।
बुधबार काठमाडौंमा स्थानीय तहका जनप्रतिनिधिहरूसँगको छलफलमा अध्यक्ष ओलीले दलहरूलाई सभा,सम्मेलन नै गर्न नदिएर सरकारले कस्तो चुनाव गर्न खोजेको हो भन्दै सरकारमाथि प्रश्न गरेका हुन् ।
एमाले नेताहरू सिमरा जान लाग्दा जेनजीका नाममा बारामा प्रदर्शन भएको र सोही प्रदर्शनका कारण विमान सेवा ठप्प हुनुका साथै कर्फ्यु लगाइएको घटनालाई जोड्दै ओलीले प्रधानमन्त्री कार्कीलाई उक्त प्रश्न गरेका हुन् ।
‘सरकार चुनाव चुनाव भन्छ । भेला गर्न नदिने, सभा गर्न नदिने । म प्रधानमन्त्रीजीलाई सोध्न चाहन्छु-कस्तो चुनाव गर्न चाहनुहुन्छ प्रधानमन्त्री जी ?’, ओलीको प्रश्न छ ।
© 2025 All right reserved to khabarcnter.com | Site By : Sobij
