२०८२ चैत्र १५ गते आइतवार
२०८२ चैत्र १५ गते आइतवार
काठमाडौं । सिन्धुपाल्चोक जिल्ला प्रशासन कार्यालयले आजदेखि असोज २० गतेसम्म तीन दिन रातिको समय अरनिको राजमार्गलगायत जिल्लाभित्रका मुख्य र सहायक राजमार्गहरु बन्द गरेको छ ।
साँझ ७ बजेबाट विहान ५ बजेसम्म सबै प्रकारका सवारी साधन जिल्लाभित्रका मुख्य र सहायक राजमार्गहरुमा सवारी चलाउन रोकेको हो ।
प्रमुख जिल्ला अधिकारी बन्धुप्रसाद बास्तोलाको अध्यक्षतामा बसेको जिल्ला सुरक्षा समितिको बैठकले बाढी, पहिरो, डुवान, चट्याङ लगायतको उच्च जोखिम भएकोले पूर्वतयारी तथा प्रतिकार्यको लागि अरनिको राजमार्गलगायत जिल्ला भित्रका सबै मूख्य र सहायक राजमार्ग हरुमा रातको ७ बजेबाट विहान ५ बजेसम्म सबै प्रकारका सवारी (दमकल एम्बुलेन्स जस्ता अत्यावश्यक वाहेक) साधन संचालनमा रोक लगाउने निर्णय भएको हो ।
उक्त अवधिभर बर्षाको मात्रा, क्षति र अन्य जोखीमको अवस्था विश्लेशण गरी सुरक्षा निकायले अन्य समयमा पनि राजमार्ग आकस्मिक बन्द गर्न सक्ने जनाएको छ ।
त्यस्तै प्रशासनले क्षति र जोखिमको अवस्था हेरेर अन्य समयमा पनि राजमार्ग आकस्मिक बन्द गर्न सक्ने सूचना जारी गरेको छ । नदी किनाराका बस्तीका बासिन्दालाई सुरक्षित रहन अपिल समेत जारी गर्दै सुरक्षा परिचालनको तयारी समेत पूरा भएको प्रशासनले जानकारी दिएको छ ।
© 2026 All right reserved to khabarcnter.com | Site By : Sobij
