२०८२ आश्विन २६ गते आइतवार
२०८२ आश्विन २६ गते आइतवार
काठमाडौं । चालु आर्थिक वर्ष २०८२\८३ को दुई महिनामा साढे ३ खर्ब रुपैयाँ बराबरको वैदेशिक व्यापार भएको छ ।
भन्सार विभागले मङ्गलबार सार्वजनिक गरेको तथ्यांकअनुसार दुई महिनामा कुल वैदेशिक व्यापार ३ खर्ब ५२ अर्ब ४७ करोड रुपैयाँ बराबरको कुल वैदेशिक व्यापार भएको छ ।
कुल वैदेशिक व्यापार मध्ये ३ खर्ब ५ अर्ब १५ करोड रुपैयाँ बराबरको आयात भएको छ भने ४७ अर्ब ३१ करोड ७६ लाख रुपैयाँ बराबरको निर्यात भएको छ ।
गत वर्षको तुलनामा ८८.५७ प्रतिशतले निर्यात बढेको छ भने १६.२३ प्रतिशतले आयात बढेको छ । गत वर्ष यसै अवधिमा २ खर्ब ६२ अर्ब ५४ करोड रुपैयाँ बराबरको आयात भएको थियो भने २५ अर्ब ९ करोड ३१ लाख रुपैयाँ बराबरको निर्यात भएको विभागले जानकारी दिएको छ ।
यो अवधिमा निर्यात बढे पनि देशको व्यापार घाटा ८.२९ प्रतिशतले बढेर २ खर्ब ५७ अर्ब ८३ करोड रुपैयाँ पुगेको छ ।
© 2025 All right reserved to khabarcnter.com | Site By : Sobij
