२०८२ भाद्र २ गते सोमवार
२०८२ भाद्र २ गते सोमवार
स्याङजा । स्याङ्जामा थप २ जना कोरोना संक्रमितको मृत्यु भएको छ । दुबैजना संक्रमितको उपचारका क्रममा निधन भएको हो ।
वालिङ नगरपालिकाका एक पुरुष र गल्याङ नगरपालिकाका एक महिलाको कोरोना उपचारका क्रममा शनिबार मृत्यु भएको प्रादेशिक कार्यालय पोखराले जनाएको छ ।
वालिङ्का ३ का ४५ वर्षीय पुरुषको पोखरा स्वास्थ्य विज्ञान प्रतिष्ठान पोखरामा उपचारका क्रममा मृत्यु भएको हो । उनलाई २१ गते कोरोना संक्रमण पुष्टि भएको थियो ।
यसैगरी, गल्याङ नगरपालिका ३ का ६० वर्षीया महिलाको चरक मेमोरियल अस्पतालमा उपचारका क्रममा निधन भएको हो । ती महिलामा २० गते कोरोना संक्रमण पुष्टि भएको थियो ।
योसँगै दोस्रो चरणको कोरोना संक्रमणका कारण स्याङजामा ७ जनाको मृत्यु भइसकेको छ । जिल्लाका संक्रमितको संख्या ४ सय ७१ रहेको स्वास्थ्य कार्यालय प्रमुख बिष्णुप्रसाद सुवेदीले जानकारी दिए ।
© 2025 All right reserved to khabarcnter.com | Site By : Sobij
