२०८२ भाद्र १ गते आइतवार
२०८२ भाद्र १ गते आइतवार
काठमाडौँ । सहकारी ठगी अभियोगमा पुर्पक्षका लागि भैरहवा कारागार (रूपन्देही) मा रहेका रवि लामिछानेको अड्डासार हवाई मार्गबाट हुने भएको छ ।
राष्ट्रिय स्वतन्त्र पार्टी (रास्वपा) का सभापति समेत रहेका लामिछानेलाई बुद्ध एअरको विमानबाट काठमाडौँ ल्याइने प्रहरी स्रोतले जानकारी दिएको छ । स्रोतका अनुसार; लामिछानेलाई विमानमा राखेर भैरहवा विमानस्थलबाट ३ बजेर १० मिनेटमा काठमाडौँतर्फ ल्याइनेछ ।
दुई महिनाअघि नै रविले अड्डासार निम्ति निवेदन दिएका थिए । उनले नख्खु कारागारमा सरुवा गरिदिन राखेको मागमा अदालतले अनुमति दिएको थियो । तर, सरकार मातहतको गृह प्रशासनले उनको माग सुनुवाई गरेको थिएन ।
लामिछानेले शुक्रबार कारागार विभागमा दिएको निवेदनका आधारमा सरुवा गर्ने निर्णय भएको कारागार व्यवस्थापन विभागकी निर्देशक कल्पना घिमिरे नेपालले जानकारी दिइन् । सुप्रिम बचत तथा ऋण सहकारी संस्थाबाट रकम ठगी अभियोगमा लामिछाने गत चैत २५ देखि उच्च अदालत बुटवलको आदेशमा रुपन्देही कारागारमा छन् ।
रास्वपाले लामिछानेविरुद्ध राजनीतिक प्रतिशोध साँधिएको भन्दै हस्ताक्षर अभियान चलाइरहेको छ । कारागार सरुवा हुने भएपछि लामिछानेलाई स्वागत गर्न रास्वपा समर्थितहरू नख्खु कारागार पुग्ने बताइएको छ ।
© 2025 All right reserved to khabarcnter.com | Site By : Sobij
