रिलायबल नेपाल लाइफको नयाँ बोनसदर घोषणा

चैत्र ४, २०८१ सोमवार

1.5K

काठमाडौं । रिलायबल नेपाल लाइफ इन्स्योरेन्स कम्पनी लिमिटेडले आर्थिक वर्ष २०८०/८१ को लागि बीमितलाई प्रदान गरिने नयाँ बोनस दर घोषणा गरेको छ। कम्पनीले यो अवधिको लागि बीमितलाई प्रति वर्ष प्रति हजारमा न्युनतम २० रुपैयाँदेखि अधिकतम ७५ रुपैयाँसम्म बोनस दर प्रदान गर्ने निर्णय गरेको छ।

कम्पनीको आर्थिक वर्ष २०८०/८१ को आर्थिक लेखाजोखा र दायित्वको मूल्यांकनसम्बन्धी बीमांकीय प्रतिवेदन नेपाल बीमा प्राधिकरणले फागुन २६ गतेको पत्रमार्फत स्वीकृत भएको जानकारी गराएको थियो। प्राधिकरणको स्वीकृतिपछि कम्पनीले सञ्चालनमा ल्याएको मुनाफामा सरिक हुने बोनस आर्जित गर्ने गरी जारी गरिएको जीवन बीमालेखहरुको लागि नयाँ बोनसदर कायम गरेको छ।