२०८२ भाद्र १५ गते आइतवार
२०८२ भाद्र १५ गते आइतवार
काठमाडौं । नेपाली फिल्म ‘डोरी’को फष्टलुक्स पोस्टर सार्वजनिक गरिएको छ । निर्माण युनिटले फष्टलुक्ससँगै फिल्म १५ चैत्रदेखि प्रदर्शन हुने समेत सार्वजनिक गरेको छ ।
पोस्टरले फिल्मको कथावस्तु र भावनात्मक गहिराइको झल्को दिने प्रयास गरेको छ । पोस्टरमा प्रस्तुत पात्रको शक्तिशाली हाउभाउले दर्शकलाई कथामा समावेश हुने सङ्घर्ष, रहस्य, र गहन भावनालाई सङ्केत गर्छ । पोष्टरमा कलाकार वीरेन्द्र सिंह कुशवाहाको क्रोधित अनुहारले कथाको द्वन्द्व र चरित्रहरूको गहिराइलाई प्रतिनिधित्व गरेको छ ।
‘डोरी’को लेखन तथा निर्देशन अरुण लामाले गरेका हुन् । फिल्ममा वीरेन्द्र सिंहको अलवा प्रवीण खतिवडा, शिशिर बाङ्देल, प्रकाश घिमिरे, अरुण लामा, अञ्जना बराइली, राज पौडेल, कविता आले, राज थापा, नूतन लगायतको अभिनय छ ।
दिनेश भट्टराई निर्माता, राज थापा कार्यकारी निर्माता रहेको फिल्म राजु तामाङको द्धोन्द्ध, राजनराज सिवाकोटीको संगीत र मिलन श्रेष्ठको सम्पादन छ ।
© 2025 All right reserved to khabarcnter.com | Site By : Sobij
