२०८२ भाद्र १५ गते आइतवार
२०८२ भाद्र १५ गते आइतवार
काठमाडौं । जुनिम गहतराजको निर्देशनमा भएको सिनेमा ‘ताण्डवम्’को पोस्टर रिलिजसहित प्रदर्शन मिति घोषणा गरिएको छ ।
मंगलबार माघे सङ्क्रान्तिको अवसरमा पोस्टर सार्वजनिक गर्दै सिनेमा ९ फागुनबाट प्रदर्शनमा आउने जानकारी दिइएको हो । सार्वजनिक पोस्टरमा सिनेमाका मुख्य कलाकार क्यारेक्टर लुक्समा प्रस्तुत छन् ।
पोस्टरमा पुष्कर गुरुङ, प्रेम सुब्बा, सरिना मगर, अंकित खड्का, अनोज पाण्डे र जुनिम गहतराज प्रस्तुत छन् । यो सिनेमाबाट कलरिस्ट जुनिमले निर्देशनमा डेब्यु गरेका हुन् । कमल कार्की र गोपाल कटुवालको पनि सिनेमामा अभिनय रहेको छ ।
महाशिवरात्रीको छेको पारेर प्रदर्शनमा आउन लागेको सिनेमाले नाम जस्तै धार्मिक कनेक्शन पनि रहेको निर्माण टिमले जानकारी दिएको छ ।
सिंहदेवी प्रोडक्सनको ब्यानरमा निर्माण भएको सिनेमाका निर्माता धनकुमारी गहतराज, सविना मगर र मनिष गौतम हुन् ।
हरि घले लामाले खिचेको सिनेमामा सम्राट बस्नेतको एक्सन निर्देशन, सुशान्त गौतमको संगीत र कोबिद बज्रको ब्याकग्राउण्ड म्युजिक रहेको छ । सिनेमाको कथा, पटकथा तथा संवाद अनिरुद्ध आत्रेय र हुसेनले लेखेका हुन् ।
© 2025 All right reserved to khabarcnter.com | Site By : Sobij
