२०८२ भाद्र १४ गते शनिवार
२०८२ भाद्र १४ गते शनिवार
काठमाडौँ । नेपाल पत्रकार महासंघको बुधबार सम्पन्न निर्वाचनमा दुई जिल्ला समितिमा महिला नेतृत्व निर्वाचित भएका छन् ।
महासंघको कास्की अध्यक्षमा विमला भण्डारी विजयी भएकी छन् भने धनुषा जिल्लाको अध्यक्षमा मोनिका झा निर्वाचित भएकी छन् ।
कास्की अध्यक्षको निर्वाचनमा अर्का प्रतिस्पर्धी केशवशरण लामिछानेलाई पराजित गर्दै भण्डारी महासंघको जिल्ला नेतृत्वमा पुगेकी हुन् ।
यसैगरी धनुषाको जिल्ला अध्यक्षमा मोनिका झा निर्वाचित भएकी छन् । बुधबार भएको मतदानको गणना हुँदा बिभिन्न जिल्ला र प्रदेशका नेतृत्व निर्वाचित भइसकेका छन् केहीमा गणना जारी छ ।
त्यसैगरी, केन्द्रका पदाधिकारी र सदस्यहरुको मतगणना पनि जारी छ । बिहीबार दिउँसो सम्मको मतगणनाअनुसार विपुल पोखरेल नेतृत्वको प्यानलले स्पष्ट अग्रता कायम राखेको छ ।
© 2025 All right reserved to khabarcnter.com | Site By : Sobij
