२०८२ भाद्र २२ गते आइतवार
२०८२ भाद्र २२ गते आइतवार
लमजुङ । लमजुङमा ग्यास लिक भएर आगलागी भएपछि करेन्ट लागेर एकजना वृद्धको मृत्यु भएको छ । मर्स्याङ्दी गाउँपाल६, बाहुनडाँडा दिङदिङका ७३ वर्षीय लक्षीबहादुर अधिकारीको मृत्यु भएको प्रहरीले जनाएको छ ।
आफ्नो घरमा खाना बनाउने क्रममा शुक्रबार बिहान ९ बजेतिर ग्यास लिक भएर आगलागी भएको र फ्रिजको तार छुटाउने क्रममा अधिकारीलाई करेन्ट लागेको थियो ।
करेन्ट लागेर अधिकारीको घटनास्थलमै मृत्यु भएको जानकारी प्राप्त भएको जिल्ला प्रहरी कार्यालयका सूचना अधिकारी प्रहरी निरीक्षक जगदिश रेग्मीले बताए । मृतकको बेंसीसहरस्थित लमजुङ अस्पतालमा पोस्टमार्टम गरिएको छ ।
घरमा आगलागीपछि निभाउने क्रममा ४२ वर्षीय डिलप्रसाद अधिकारी सामान्य घाइते भएका छन् । उनको हातमा चोट लागेको प्रहरीले जनाएको छ । उनको लमजुङ अस्पतालमा उपचार भइरहेको छ । आगलागीबाट घरमा भने धेरै क्षति नपुगेको प्रहरीले जनाएको छ ।
© 2025 All right reserved to khabarcnter.com | Site By : Sobij
