२०८२ भाद्र १० गते मंगलवार
२०८२ भाद्र १० गते मंगलवार
सञ्चालनमा रहेका २६ मध्ये १३ वाणिज्य बैंकले लाभांश घोषणा गरेका छन् । गत आर्थिक वर्षको वित्तीय विवरणमा आधारित रहेर घोषणा गरिएको लाभांशमा सबैभन्दा बढी बैंक अफ काठमान्डू र एभरेष्ट बैंकले बोनस तथा नगद गरी २० प्रतिशतमाथिको लाभांश घोषणा गरेका हुन् ।
बैंक अफ काठमान्डूले ६ प्रतिशत बोनस शेयर र १४.९५ प्रतिशत नगद गरि २०.९५ प्रतिशत लाभांश घोषणा गरेको छ । यसैगरी, एभरेष्टले शेयरधनीलाई १३ प्रतिशत बोनस शेयर र ७.६८ प्रतिशत नगद गरेर २०.६८ प्रतिशत लाभांश प्रस्ताव गरेको छ ।
स्ट्याण्डर्ड चार्टर्ड बैंकले १६.५१ प्रतिशत नगद लाभांश घोषणा गरेको गर्दा ग्लोबल आइएमईले ४ प्रतिशत बोनस शेयर र १०.६० प्रतिशत नगद गरी १३.६० प्रतिशत लाभांश घोषणा गरेको छ । कुमारीले १२.५० प्रतिशत नगद लाभांश घोषणा गरेको छ ।
एनसीसी बैंकले ३.३७ प्रतिशत बोनस शेयर र ७.६८ प्रतिशत नगद गरी ११ प्रतिशत लाभांश घोषणा गरेको छ । नेपाल इन्भेष्टमेन्टले ४ प्रतिशत बोनस शेयर र ७ प्रतिशत नगद गरी ११ प्रतिशत लाभांश प्रस्ताव गरेको छ । सानिमा बैंकले १० प्रतिशत बोनस शेयर र ०.९८ प्रतिशत नगद गरी १०.९८ प्रतिशत लाभांश घोषणा गरेको छ ।
नेपाल एसबीआईले ३ प्रतिशत बोनस शेयर र ७.५३ प्रतिशत नगद गरी १०.५३ प्रतिशत लाभांश प्रस्ताव गरेको छ । सिटिजन्सले ९ प्रतिशत नगद लाभांश दिँदैछ । प्रभुले ६.५० प्रतिशत बोनस शेयर र १.५० नगदगरी ८ प्रतिशत लाभांश प्रस्ताव गरेको छ ।
मेगाले ५ प्रतिशत बोनस शेयर र ३.३८ प्रतिशत नगद गरी ७.८३ प्रतिशत लाभांश प्रस्ताव गरेको छ । त्यस्तै, सेञ्चुरी बैंकले ४.७५ प्रतिशत बोनस शेयर र ०.२५ प्रतिशत नगद गरी ५ प्रतिशत लाभांश प्रस्ताव गरेको छ ।
© 2025 All right reserved to khabarcnter.com | Site By : Sobij
