२०८२ माघ ९ गते शुक्रवार
२०८२ माघ ९ गते शुक्रवार
खोटाङ । खोटाङस्थित खोटेहाङ गाउँपालिका–७ खोटाङबजारमा आगोले जलेर गम्भीर घाईते भएकी एक सय एक बर्षिया बृद्दाको मृत्यू भएको छ । आगोले जलेर गम्भीर घाईते भएकी धनमुढाकी जेष्ठ महिला हिमादेवी अधिकारीको मृत्यू भएको हो ।
शुक्रबार बिहान गाईबस्तुलाई खोले पकाउनका लागि बालेको आगो ताप्नेक्रममा शरीरमा आगो लाग्दा गम्भीर घाईते भएकी अधिकारीको केही घण्टापछि मृत्यु भएको खोटाङबजारका वडाध्यक्ष शिवप्रसाद फुयाँलले बताउनुभयो । वृद्धा अधिकारी गाउँपालिकाभरीकै सबैभन्दा ज्येष्ठ नागरिकका रुपमा सम्मानित व्यक्ती हुन् ।
३० औं अन्तर्राष्ट्रिय ज्येष्ठ नागरिक दिवसको अवशरमा गत असोज १५ गते खोटेहाङ गाउँपालिकाले गाउँपालिभरीकै सबैभन्दा ज्येष्ठ नागरिकका रुपमा हिमादेवीलाई सम्मान गरेको थियो ।
आफन्त नभएकी बृद्धा स्थानीय रामप्रसाद पौडेलको घरमा बस्दै आउनुभएको थियो । बृद्दाको शरीरमा लगाएको लुगाबाट शरीरमा आगो लागेको अनुमान गरिएको छ । लुगा डढेको गन्धका आधारमा आफन्तले बृद्दालाई जलिरहेको अवस्थामा उद्धार गरेका थिए ।
शरीरका केही ठाउँ बाहेक सबै भागको छाला जलेका कारण छटपटाइरहेका अधिकारीलाई स्वास्थ्यकर्मी लगेर स्लाइन चढाउँन खोज्दा स्लाइन नचढेको वडाध्यक्ष फुयाँलको भनाई छ । जलेर शरीरको छाला पिल्सिएका अधिकारीलाई आगोबाट उद्धार गरेपछि केराको पातले शरीर ढाकेर राखिएको थियो । प्रहरीले भने घटनाको पूष्टी गर्न बाँकी रहेको जनाएको छ ।
© 2026 All right reserved to khabarcnter.com | Site By : Sobij
