२०८२ मंसिर ११ गते बिहिवार
२०८२ मंसिर ११ गते बिहिवार
काठमाडौं । काठमाडौं महानगरपालिकाले दशै पर्व लक्षित गरेर १८ बर्ष माथिका सबै नागरिकका लागि ३ दिन कोरोना विरुद्धको खोप कार्यक्रम चलाउने भएको छ ।
असोज २२ गतेदेखि सुरु हुने कार्यक्रम २४ गते अपरान्हसम्म सबै वडामा चल्नेछ । यो पहिलो डोज लिनेका लागि मात्रै हो । ‘पर्वको समयमा युवाहरु धेरै सक्रिय हुन्छन् ।
सकेसम्म भीड नगर्नोस् । मास्क प्रयोग गर्नोस् भन्ने हाम्रो अनुरोध हो’ जनस्वास्थ्य विभागका प्रमुख हरिबहादुर कुँवरले भन्नुभयो ‘स्वास्थ्य मापदण्डको पूर्ण पालना गर्ने गराउने अनुरोधसँगै १८ बर्ष माथिका सबैका लागि ३ दिने खोप कार्यक्रम चलाउन लागेका हौँ ।’ कुँवरका अनुसार खोप लिन विद्युतीय दर्ता गरेर फोटो भएको परिचय पत्रसहित खोप केन्द्र जानु पर्नेछ ।
महानगरका ३२ वटाको खोप केन्द्रबाहेक नेपाल प्रहरी अस्पताल, महाराजगञ्ज, वीर अस्पताल, निजामति कर्मचारी अस्पताल, बानेश्वर, परोपकार प्रसुति तथगा स्त्रीरोग अस्पताल, थापाथली र वीरेन्द्र सैनिक अस्पताल छाउनीबाट पनि खोप लिन सकिनेछ ।vaccine.mohp.gov.np बाट विद्युतीय नाम दर्ता गराउन सकिन्छ ।
© 2025 All right reserved to khabarcnter.com | Site By : Sobij
