२०८२ मंसिर १३ गते शनिवार
२०८२ मंसिर १३ गते शनिवार
काठमाडौं । सरकारले राष्ट्रिय एम्बुलेन्स निर्देशिका २०७८ सार्वजनिक गरेको छ । नयाँ निर्देशिका स्वीकृत भएसँगै एकीकृत एम्बुलेन्स तथा पूर्व अस्पताल सेवा सञ्चालन निर्देशिका २०७७ खारेज भएको छ। स्वास्थ्य मन्त्रीसमेत रहेका प्रधानमन्त्री शेरबहादुर देउवाले निर्देशिका कार्यन्वयनका लागि यसअघि नै स्वीकृति दिइसकेका छन् ।
नयाँ जारी राष्ट्रिय एम्बुलेन्स निर्देशिका २०७८ अनुसार अब एम्बुलेन्स सञ्चालन गर्दा क र ख कुन वर्गको खरिद वा प्राप्ति गर्ने हो सो स्पष्ट उल्लेख गरि निवेदन दिनुपर्ने भएको छ ।
यसअघि एम्बुलेन्सलाई क, ख र ग गरी तीन वर्गमा विभाजन गरिएको थियो । नयाँ निर्देशिकामा क र ख वर्गको मात्र एम्बुलेन्स सञ्चालन गर्न पाउने र ग वर्गका एम्बुलेन्सले अब नवीकरण गरेर ख वर्गमा लैजानुपर्ने व्यवस्था गरिएको छ ।
अब क र ख वर्गका एम्बुलेन्स खरिद गर्दा राजस्व छुट दिइने सरकारले जनाएको छ । सबै एम्बुलेन्समा अनिवार्य रुपमा फेर व्हील ड्राइभ, पावर स्टेरिङ, सस्पेन्स चेन प्रणाली जडान गरिएको हुनुपर्ने जनाइएको छ ।
एम्बुलेन्स सेवा सञ्चालन गर्न जनस्वास्थ्य सेवा ऐन र नियमावालीको प्रावधानअनुसार स्वास्थ्य संस्थाले सञ्चालन गर्ने व्यवस्था गरिएको छ। चालकले स्वास्थ्य तालिम केन्द्रबाट तालिम लिएको हुनुपर्ने, जीपिएस अनिवार्य जडान हुनुपर्ने लगायतका व्यवस्था निर्देशिकामा व्यवस्था गरिएको छ ।
© 2025 All right reserved to khabarcnter.com | Site By : Sobij
