Logo

२०८२ मंसिर १३ गते शनिवार

२०८२ मंसिर १३ गते शनिवार

सुदूरपश्चिम जसपाका दुई सांसद पनि बिभाजित, चौधरीले रोजे लोसपा

सुदूरपश्चिम जसपाका दुई सांसद पनि बिभाजित, चौधरीले रोजे लोसपा


  • 6.5K
    Shares

    सुदूरपश्चिम जसपाका दुई सांसद पनि बिभाजित, चौधरीले रोजे लोसपा
    images

    धनगढी । जनता समाजवादी पार्टी (जसपा)का सुदूरपश्चिम प्रदेशसभामा रहेका दुई सांसद दुईतिर लागेका छन् ।

    कैलाली निर्वाचन क्षेत्र नम्बर १ को (क)बाट निर्वाचित भएका प्रदेशसभा सदस्य कृष्णबहादुर चौधरीले महन्थ ठाकुुर नेतृत्वको लोकतान्त्रिक समाजवादी पार्टी रोजेका छन् । उनले लोसपा रोजेर सनाखत पनि गरिसकेका छन् ।

    प्रदेश सभा सदस्य चौधरीले सोमबार दिउँसो लोकतान्त्रिक समाजवादी पार्टीको पक्षमा सनाखत गरेको प्रदेश निर्वाचन आयोगको कार्यालय धनगढीले जनाएको छ ।

    चौधरीले लोसपा रोजेपछि प्रदेशसभामा जसपाको तर्फबाट एक जना सदस्य मालामतीकुमारी राना मात्र रहेका छन् ।

    गत चुनावमा तत्कालीन राष्ट्रिय जनता पार्टीबाट निर्वाचित भएकी रानाले विगतमा ठाकुर समूहलाई साथ दिदै आएकी थिइन् । तर पार्टी औपचारिक रुपमा विभाजन भएपछि भने उनी जसपामै रहेकी हुन् । जसपा र एमाले विभाजन भएसँगै सुदूरपश्चिम प्रदेश सभामा ६ दल बनेका छन् ।

    १४ सांसदसहित एकीकृत समाजवादी पार्टी पहिलो, १३ सांसद भएको माओवादी केन्द्र दोस्रो, १२ सांसद भएको नेपाली कांग्रेस तेस्रो, ११ सांसद भएको नेकपा एमाले चौथो दलको रुपमा छ ।

    प्रकाशित मिति :भाद्र २२ २०७८ मंगलवार - ११:२४:५० बजे
    प्रतिक्रिया

    खबरसेन्टर डेस्क

    सम्बन्धित समाचार

    © 2025 All right reserved to khabarcnter.com | Site By : Sobij