२०८२ मंसिर १३ गते शनिवार
२०८२ मंसिर १३ गते शनिवार
नेकपा माओवादी केन्द्र जिल्ला समन्वय समिति बागलुङको प्रथम पूर्ण बैठक सम्पन्न भएको छ । शनिबार बसेको बैठकमा पार्टी केन्द्रले तय गरेको संगठन सुदृढीकरण अभियान अन्तर्गत पार्टी सदस्यता नविकरण, नयाँ सदस्यता वितरण अभियानलाई तीब्रता दिने भएको छ ।
बैठकले असोज १० गते टोल भेला, असोज २० गते वडासम्मेलन र कात्तिक ६ गते गाउँपालिका तथा नगरपालिका सम्मेलन गर्ने निर्णयसमेत गरेको हो ।
प्रथम पूर्ण बैठकले माओवादी केन्द्र छाडेर गएका ५ जना जिल्ला सदस्यलाई पार्टीको विधानबमोजिम कारबाही गरेको संयोजक ज्ञामनाथ गैरेले जानकारी दिए । उनका अनुसार पार्टीको आर्थिक विभाग, स्कुल विभाग, संगठन विभाग र पर्यटन विभागलगायका विभाग गठन गर्ने निर्णय गरेको छ ।
पार्टीको जनवर्गीय संगठन वाईसीयल, जतिय मोर्चा, सामुदायिक संगठनहरुलाई क्रियाशिल बनाउने र वडा, पालिका र जिल्ला भेला सम्मलेन गरिने भएको छ ।
बैठकमा विभिन्न पालिका तथा नगरपालिकाका अध्यक्ष, सचिव एवम् प्रतिनिधिले क्षेत्रगत रिर्पोटिङ गरेका थिए । यस्तै, पार्टीले लेखा प्रणालीलाई व्यवस्थित र पारदर्शी बनाउन लेखापरीक्षणको व्यवस्था गर्ने भएको छ । कार्यकर्ताबाट उठेको लेवी तथा अन्य सहयोगको हिसाब प्रणाली चुस्तदुरुस्त बनाउने निर्णय पनि गरेको संयोजक गैरेले जानकारी दिए ।
बैठकले कोरोना महामारीका कारण ज्यान गुमाएका जिल्ला सदस्य शेरमान घर्ती, ताराखोला गाउँ कार्यापालिका सदस्य एवम् माओवादी गाउँपालिकासदस्य तेजुमाया भण्डारीलगायत पार्टीका सदस्यहरुको निधनमा शोक प्रस्ताव पारित गरेको छ ।
प्रथम पूर्ण बैठकमा माओवादी केन्द्री केन्द्रीय सदस्य एवम् जिल्ला इन्चार्ज बलावति शर्मा, प्रदेश कमिटी सदस्य फमलाल निउरे, लालबहादुर परियार, कुशुम बुढालगायतको उपस्थिति रहेको थियो ।
© 2025 All right reserved to khabarcnter.com | Site By : Sobij
