काठमाडौं । उत्तर पश्चिम बंगालको खाडीमा अवस्थित न्युन चापिय क्षेत्रको प्रभाव रहेको जल तथा मौसम विज्ञान विभागले जनाएको छ। मौसम पूर्वानुमान महाशाखाका अनुसार सोमबार दिउँसो देशभर सामान्यदेखि पूर्ण बदली रही धेरै स्थानहरुमा हल्कादेखि मध्यम वर्षाको सम्भावना रहेको छ। प्रदेश १, बागमती, गण्डकी र लुम्बिनी प्रदेशका थोरै स्थानमा मेघ गर्जनरचट्याङ्गसहित भारी वर्षाको सम्भावना रहेको छ।

राती गण्डकी, कर्णाली तथा सुदूरपश्चिम प्रदेशका थोरै र प्रदेश १, बाग्मती तथा लुम्बिनी प्रदेशका एक-दुई स्थानमा मेघगर्जनरचट्याङ्गसहित भारी वर्षाको सम्भावना रहेको सोमबार बिहान जारी मौसम बुलेटिनमा उल्लेख छ। महाशाखाले सोमबार पहाडी भू-भागमा भूक्षय, पहिरो तथा गेग्रान बहावको जोखिम रहेको र नदीनाला र खहरे खोलामा पानीको सतह बढ्न सक्ने भएकोले सतर्कता अपनाउन अनुरोध गरेको छ।

मंगलबार दिउँसो गण्डकी, कर्णाली तथा सुदूरपश्चिम प्रदेशका थोरै र प्रदेश १, बाग्मती तथा लुम्बिनी प्रदेशका एक-दुई स्थानमा मेघगर्जनरचट्याङ्गसहित भारी वर्षाको सम्भावना रहेको छ। राती देशभर सामान्य बदली रही गण्डकी, लुम्बिनी, कर्णाली तथा सुदुरपश्चिमका धेरै र बाँकी प्रदेशका केही स्थानहरुमा हल्कादेखि मध्यम वर्षाको सम्भावना रहेको छ।

बुधबार देशभर सामान्य बदली रही धेरै स्थानहरुमा हल्कादेखि मध्यम वर्षाको सम्भावना रहेको छ।

कुन-कुन क्षेत्र र नदी आसपास बाढीको जोखिम ?
काठमाडौं उपत्यका, बनेपा लगायत विभिन्न शहरका घर डुबानमा परेका छन्। काठमाडौंको काँडाघारी, परोपकार, बल्खु, सुन्दरीघाट, भक्तपुरको मनोहरा, बोडेफाँट, सुकुम्बासी बस्ती तथा ललितपुरको सानेपा, कालोपुललगायतको क्षेत्र डुबानमा परेको महानगरीय प्रहरी कार्यालय रानीपोखरीका प्रवक्ता सुशीलसिंह राठौरले जानकारी दिए। काठमाडौंको शङ्खमूल, बल्खुको तरकारी बजारलगायतका स्थान डुबानमा परेका छन्। बाग्मती, विष्णुमति, इच्छुमति, धोबीखोलगायतका नदी तथा खोलामा बाढी आएको छ। 

सोमबार बिहानको मापन अनुसार कोशी, नारायणी, कर्णाली, महाकाली र यिनका सहायक नदीहरुको बहाव बढ्दो रहेको तथा सतर्कता तहभन्दा तलै रहेको बाढी पूर्वानुमान महाशाखाले जनाएको छ। हाल बागमती नदी खोकनामा जलसतह खतरा तह आसपास रहेको महाशाखाको भनाई छ। त्यसैगरी पश्चिम राप्ती बागासोतीमा जलसतह सतर्कता तह पार गरेको र बढ्दो क्रममा रहेको छ। 

महाकाली, कोशी, नारायणी र यिनका सहायक नदीहरू विशेषगरी सुनकोशी, त्रिशुली, माङ्दी लगायतमा बहाव उल्लेख्य बढ्ने र केहीमा सतर्कता तह आसपास पुग्न सक्नेस कर्णालीको सहायक नदी विशेषगरी सेतीमा बहाव सामान्य बढ्ने तथा सतर्कता तह भन्दा तलै रहने पूर्वानुमान छ।

बाढी पूर्वानुमान महाशाखाका अनुसार बागमती, पश्चिम राप्तीमा बहाब बढ्ने र सतर्कता तह पार गर्ने, बबईमा बहाव बढ्ने तथा सतर्कता तह आसपास पुग्न सक्नेस कन्काई, कमला, पूर्वी राप्ती, तिनाउ लगायतमा बहाब सामान्य बढ्ने तथा सतर्कता तह भन्दा तलै रहने पूर्वानुमान छ।

प्रदेश १ को इलाम, संखुवासभा, सोलुखुम्बु, ओखलढुङ्गास प्रदेश २ को सप्तरी, धनुषा, महोत्तरीस बागमती प्रदेशको दोलखा, रामेछाप, काठमाडौं उपत्यका, सिन्धुपाल्चोक, रसुवा, नुवाकोट, धादिङ, मकवानपुर, चितवनस गण्डकी प्रदेशको गोरखा, लमजुङ, कास्की, बाग्लुङस लुम्बिनी प्रदेशको रोल्पा, प्युठान, पर्वी रुकुम, प्युठान, दाङ, बाँके, बर्दियास कर्णाली प्रदेशको रुकुम पश्चिम, जाजरकोट, जुम्ला, कालिकोट, दैलेख, सुर्खेतस सुदुरपश्चिम प्रदेशको दार्चुला, बझाङ, बाजुरा, बैतडी, डडेल्धुरा, डोटी, अछाम, कन्चनपुर, कैलाली र आसपासका जिल्ला भई बहने स-साना नदीहरुमा बहाव बढ्ने र केहीमा आकस्मिक बहाव हुन सक्ने पूर्वानुमान छ।