२०८२ मंसिर १३ गते शनिवार
२०८२ मंसिर १३ गते शनिवार
काठमाडौं । काठमाडौँ उपत्यकाका शिक्षण संस्था सञ्चालनमा लचकता अपनाइने भएको छ । करिब ६ महिनादेखि जारी निषेधाज्ञा खुकुलो पार्दै बुधबार काठमाडौँ उपत्यकाका प्रमुख जिल्ला अधिकारीहरूको बैठकले यस्तो निर्णय गरेको हो ।
काठमाडौँका प्रमुख जिल्ला अधिकारी कालीप्रसाद पराजुलीले विद्यालयहरू सरकारबाट जारी ‘स्मार्ट लकडाउन’को प्रावधानभित्र रही यही २० गते आइतबारबाट सञ्चालन गर्न सकिने व्यवस्था गरिएको जानकारी दिए ।
विद्यालय सञ्चालन गर्न स्थानीय तहहरूले जिल्ला कोभिड–१९ सङ्कट व्यवस्थापन केन्द्र (डी–सीसीएमसी)सँग समन्वय गर्नुपर्ने बताइएको छ ।
त्यस्तै चलचित्र भवन, सार्वजनिक उद्यान, चिडियाखाना, स्विमिङ पुल, रात्रिकालीन मनोरञ्जन व्यवसाय डिस्को–डान्स, दोहोरी रेस्टुराँ, क्लब तथा पप बार पनि खुला गरिएको छ।
२०७७ साल चैतबाट बन्द यी व्यवसाय करिब ६ महिनापछि खुलेका हुन् । त्यस्तै अनावश्यक भीडभाड, सभा जुलुस, जात्रा महोत्सव, भोज र चाडपर्व मनाउन समेत निषेध गरिएको छ ।
© 2025 All right reserved to khabarcnter.com | Site By : Sobij
