२०८२ मंसिर १३ गते शनिवार
२०८२ मंसिर १३ गते शनिवार
काठमाडौं । नेकपा एकीकृत समाजावादीका अध्यक्ष माधवकुमार नेपालले आफूहरु पुरानो लिकमा नजाने बताएका छन्। आफ्नो पार्टीले प्रमाणपत्र पाएको भोलिपल्ट बिहीबार आयोजित पत्रकार सम्मेलनमा उनले केपी शर्मा ओलीले एमालेमा स्थापित गर्न खोजेको परिपाटीभन्दा आफूहरु भिन्न हुने बताए।
"यो कुसंस्कारीहरुको झुन्ड हुनेछैन। यो एउटा नेताको प्रशंसामा जम्मा भएको भजनमण्डली पनि हुनेछैन। कसैका फोटाहरु पनि प्रदर्शन गरिनेछैन। अनि त्यो फोटोका सामु आरती उतार्ने काम कसैले गर्ने छैन," उनले भने।
एमाले अध्यक्ष ओलीले पार्टीका सार्वजनिक कार्यक्रममा आफ्ना ठूलाठूला फोटो सहितको ब्यानर गर्ने गरेकोमा आलोचना हुँदै आएको थियो।
नेपालले आफ्नो पार्टी मार्क्सवाद र लेनिनवादप्रति समर्पित, समाजवादप्रति, देश र जनताप्रति समर्पित, क्रान्तिकारी आदर्शप्रति समप्रित, उच्च नैतिकताप्रति समर्पित, उच्च नैतिकताबाट ओतप्रोत भएका असल आचरणयुक्त कार्यकर्ताहरुको पार्टी हुने बताए। "यो जनआधारतित कार्यकर्ताको पार्टी हुनेछ", उनले भने।
उनले आफ्नो पार्टी क्रान्तिकारी संस्कारयुक्त हुने बताए। "यो मार्क्सवाद र लेनिनवाद प्रति समर्पित हुनेछ। जनताको बहुदलीय जनवादको मूल्य र मान्यतालाई आत्मसात् गरेर अगाडि बढ्नेछ। समाजवादको नेपाली मोडेल कस्तो हुनेछ भन्ने सोच अगाडि सार्ने छ। र समाजवादको यात्रामा दृढताका साथ निरन्तर रुपमा अगाडि बढिरहनेछ। यो पार्टी राष्ट्रपति समर्पित हुनेछ। जनताप्रति समर्पित हुनेछ। आफ्नो सिद्धान्तप्रति निष्ठावान् भएर लागिरहनेछ", उनले भने।
© 2025 All right reserved to khabarcnter.com | Site By : Sobij
