२०८२ मंसिर १४ गते आइतवार
२०८२ मंसिर १४ गते आइतवार
काठमाडौं । विश्वका हरेक देशहरु कोरोना भाइरस माहामारीसँगै जुधिरेहका छन् । कोभिड यस्तो महामारी हो जसले न बालबच्चा भन्छ, न युवायुवती, न गर्भवती, न वृद्धवृद्धा यसले जुनसुकै समयमा जुनसुकै मानिसहरुलाई पनि आक्रमण गर्न सक्छ ।
यही माहामारीको समयमा यदि स्तनपान गराइरहेकी आमा कोभिड १९ संक्रमण भएको शंका लागेको छ वा पुष्टि भएको छ भने बच्चालाई कसरी स्तनपान गराउने भनेर हरेक आमाहरुमा चिन्ता हुन्छ ।
तर, कोभिड १९ संक्रमण पुष्टि भएको समयमा पनि आमाले जनस्वास्थ्यको मापदण्ड अपनाएर स्तनपान गराउन सक्छिन् । त्यसका लागि केही उपायहरु अपनाउन आवश्यक हुन्छ ।
- शिशुको सम्पर्कमा आउनु अगाडि हरेक पटक आमाले साबुनपानीले कम्तीमा २० सेकेन्ड मिचिमिची हात धुने वा स्यानिटाइजर प्रयोग गर्ने ।
- आमाले स्तनपान गराउँदा वा शिशुको सम्पर्कमा आउँदा मास्क लगाउने ।
- आमाले खोक्दा वा हाच्छ्युँ गर्दा कपडा वा टिस्यु पेपरले नाक, मुख छोप्ने र तुरुन्त साबुनपानीले हात धुने र त्यसपछि स्तन धोएर मात्र शिशुलाई स्तनपान गराउने ।
- यदि स्तनपान गराइरहेकी आमाको अवस्था गम्भीर छ भने शिशुसँगको प्रत्यक्ष सम्पर्कबाट टाढा रहने र शिशुलाई स्तनपान नगराउने तर दूध निचोरेर सफा भाँडामा राखी चम्चा वा कपबाट खुवाउने ।
- चिन्ता र तनावले दूध उत्पादन हुने प्रक्रियामा असर गर्ने हुनाले स्तनपान गराइरहेकी आमा चिन्ता र तनावरहित रहने ।
© 2025 All right reserved to khabarcnter.com | Site By : Sobij
