२०८२ मंसिर १४ गते आइतवार
२०८२ मंसिर १४ गते आइतवार
काठमाडौँ । प्रस्तावित नेकपा (एकीकृत समाजवादी)का अध्यक्ष माधवकुमार नेपालले बागमती प्रदेशमा मुख्यमन्त्री बन्नुअघि अष्टलक्ष्मी शाक्यले आफूसँग सल्लाह गरेको र सल्लाह अनुसार नै मुख्यमन्त्री बनेको बताएका छन् ।
नेकपा एकीकृत समाजवादी पार्टीको केन्द्रीय समितिको बेठकपछि सञ्चारकर्मीहरुसँग कुरा गर्दै नेपालले आफ्नै सल्लाहमा शाक्य मुख्यमन्त्री बनेको बताएका हुन् । तर, अहिले शाक्य अप्ठरो अवस्थामा रहेको उनको भनाइ छ ।
‘अष्टलक्ष्मी मेरै सुझावअनुसार मुख्यमन्त्री हुनु भएको हो,’ नेता नेपालले भने, ‘उहाँ अहिले अप्ठ्यारो अवस्थामा हुनुहुन्छ । हाम्रो दल दर्ता भइसकेको छैन । दर्ता भएको २१ दिनभित्र त उहाँलगायत सबैले पार्टी रोज्न पाउनुहुन्छ । त्यो अधिकार उहाँहरुसँग हुन्छ । दल कहाँ रोज्नुहुन्छ उहाँमै निर्भर हुने कुरा भयो । तर, मुख्यमन्त्री हुँदा मेरै अनुमतिबाट नै जानु भएको हो ।’
नेता नेपाल आफूनिकटका नेता लिएर चन्द्रागिरि हिल्स पुगेका छन् । सोमबार नै त्यहाँ पुगेको नेपाल समूह बुधबार त्यहीँबाट निर्वाचन आयोगमा दल दर्ताका लागि जानेछ ।
© 2025 All right reserved to khabarcnter.com | Site By : Sobij
