२०८२ मंसिर १४ गते आइतवार
२०८२ मंसिर १४ गते आइतवार
बालकोटमा सोमबार भएको वार्ताबमोजिम १० बुँदे सहमति कार्यन्वयन गर्नेगरी आज (मंंगलबार) नेकपा एमालेको स्थायी कमिटी बैठक बस्दै छ।
एमाले केन्द्रीय कार्यालयका सचिव शेरबहादुर तामाङका अनुसार अहिले दिउँसो ३ बजे लतिलपुरको च्यासलस्थित तुलसीलाल स्मृति प्रतिष्ठानको भवनमा बैठक बस्दै छ।
यसअघि सोमबार भीम रावल, घनश्याम भुसाललगायत एमाले स्थायी कमिटी सदस्यहरू र अध्यक्ष केपी शर्मा ओलीबचि उनको निवास (भक्तपुरको बालकोट)मा छलफल भएको थियो। जसमा अध्यक्ष ओली १० बुँदे सहमति कार्यान्वयन गर्न सहमत भएको नेताहरूले दाबी गरेका छन्।
त्यसबमोजिम आज स्थायी कमिटी बैठक बस्ने लागेको हो। आजको बैठकमा गत पुस ५ यता ओलीले बोलाएका बैठकमा सहभागी नभएका तथा वरिष्ठ नेता माधव नेपालले गठन गरेको नयाँ दलमा पनि नगएका स्थायी कमिटी सदस्यहरू पनि सहभागी हुने बताइएको छ।
बैठकले १० बुँदे सहमतिबमोजिम पार्टीलाई २०७५ जेठ २ अघिकै संरचनामा फर्काउने निर्णय गर्ने स्रोतले जनाएको छ। यसैका लागि उपाध्यक्ष भीम रावल, महासचिव ईश्वर पोखरेल र उपमहासचिव विष्णु पौडेल सम्मिलित समितिसमेत बनाइएको छ।
एमाले स्रोतका अनुसार आजको बैठकले एमाले २०७५ जेठ २ अघि जस्ता वा जो रहेका कमिटीहरू थिए, तिनलाई जस्ताको तस्तै स्वरूपमा फर्काउनेछ।
सोहीअन्तर्गत एमालेका प्रदेश कमिटीहरू पनि पुुरानै ब्युँताइने स्रोतको दाबी छ। जसअनुसार प्रदेश १ मा भीम आचार्य, प्रदेश २ मा सत्यनारायण मण्डल, बागमतीमा अष्टलक्ष्मी शाक्य, गण्डकीमा किरण गुरुङ, लुम्बिनीमा विष्णु पौडेल, कर्णालीमा युवराज ज्ञवाली र सुदूरपश्चिम प्रदेशमा भीम रावलले नै इन्चार्ज कायम हुनेछन्।
यसअघि प्रदेश कमिटीमा जिम्मेवारी हेरफेर गरिएको छ। प्रदेश १ मा सुवास नेम्वाङ, प्रदेश नम्ब्र २ मा रघुवीर महासेठ, बागमतीमा रामबहादुर थापा, गण्डकीमा पृथ्वीसुब्बा गुरुङ, लुम्बनीमा शंकर पोखरेल, कर्णालीमा यामलाल कडेँल र सुदूरपश्चिम प्रदेशमा लेखराज भट्टलाई इन्चार्ज बनाइएको छ। तर आजबाट यी जिम्मेवारी हटाइने स्रोतको दाबी छ।
© 2025 All right reserved to khabarcnter.com | Site By : Sobij
