२०८२ मंसिर १४ गते आइतवार
२०८२ मंसिर १४ गते आइतवार
नेपाल आयल निगमले फेरि पेट्रोलियम पदार्थको मूल्य बढाएको छ। गएराति १२ बजेदेखि लागू हुने गरि पेट्रोलियम पदार्थको मूल्य बढाएको हो।
निगमका अनुसार पेट्रोल, डिजल र मट्टीतेलमा प्रतिलिटर रु २ वृद्धि गरिएको छ। अब पेट्रोल प्रतिलिटर रु १३० पुगेको छ। यसअघि पेट्रोल प्रतिलिटर रु १२८ रहेको थियो।
यस्तै, डिजल र मट्टीतेल प्रतिलिटर रु ११३ पुगेको छ। यसअघि डिजल र मट्टीतेल प्रतिलिटर रु १११ रहेको थियो।
निगमले खाना पकाउने एलपी ग्यासको मूल्य प्रतिसिलिन्डर रु २५ का दरले बढाएको छ। अब ग्यासको मूल्य रु १ हजार ४५० पुगेको छ।
यसैगरी, आन्तरिकतर्फको हवाई इन्धनको मूल्य पनि बढेको छ। प्रतिलिटर रु २ का दरले मूल्य वृद्धि हुँदा हवाई इन्धन रु ८६ पुगेको छ।
अन्तर्राष्ट्रिय हवाई इन्धनको मूल्य पनि प्रतिकिलो १६ डलरले वृद्धि गरी ७७० अमेरिकी डलर कायम गरिएको छ।
इन्डियन आयल कर्पोरेशनबाट प्राप्त पछिल्लो मूल्य सूचीअनुसार पछिल्लो १५ दिनमा रु १ अर्ब १५ करोड २२ लाख बराबरको घाटा हुने देखिएपछि मूल्य वृद्धि गरिएको निगमका प्रवक्ता विनितमणि उपाध्यायले बताए। भारतभन्दा नेपालमा पेट्रोल प्रतिलिटर रु ४१.१९, डिजल प्रतिलिटर रु ४४.४ सस्तो रहेको छ।
© 2025 All right reserved to khabarcnter.com | Site By : Sobij
