२०८२ मंसिर १४ गते आइतवार
२०८२ मंसिर १४ गते आइतवार
काठमाडौं । नयाँदिल्ली र काठमाडौंबीचको हवाई उडान नियन्त्रण गरिँदा आम मानिसले चर्को भाडा तिरेर यात्रा गर्नुपरेको छ । कोरोनालाई देखाएर दुई सहरबीच निश्चित संख्यामा मात्र उडान भइरहेका छन्, जसकारण वायु सेवा कम्पनीहरूले प्रतिस्पर्धी रूपमा उडान गर्न पाएका छैनन् ।
यात्रुको चाप बढी र सिट सीमित भएको फाइदा उठाएर निश्चित कम्पनीहरूले चर्का भाडा उठाइरहेका हुन् । पछिल्लो पटक एकतर्फी भाडा नै ५० हजार रुपैयाँसम्म पुगेको छ । कोरोना अगाडि भने यो रुटमा एकतर्फी भाडा ८ हजार रुपैयाँसम्म थियो ।
कोरोनाको दोस्रो लहर आएपछि नेपालले मे ७ देखि नेपाल वायु सेवा निगम र एयर इन्डियालाई सातामा एक/एक उडान गर्ने अनुमति दिएको थियो । कोभिडको प्रभाव घट्दै गएपछि जुलाई २४ बाट दुवै कम्पनीलाई सातामा ३/३ उडानको अनुमति छ । सोमबार, बुधबार र शनिबार नेपाल एयरलाइन्स तथा आइतबार, मंगलबार र शुक्रबार एयर इन्डियाले एक–एक उडान गर्छन् ।
यात्रुको चाप रहेको तथा प्रतिस्पर्धा नरहेकाले निगमले पनि थोरै सिट मात्रै सस्तोमा छाडेर धेरैजसो सिट अधिकतम ३१ हजार ५ सय २० रुपैयाँ (भारु १९ हजार ७ सय) मा टिकट बेच्ने गरेको छ । औसतमा १५ हजार भारुसम्ममा एकतर्फी टिकट बेचिएको देखिन्छ । सीमित व्यक्तिले मात्र ९/१० हजार भारुमा एकतर्फी टिकट पाउने गरेका छन् ।
एयर इन्डियाको भाडा थप चर्को छ । सिट अभावको फाइदा उठाउँदै उसले एकतर्फी टिकट ५० हजार रुपैयाँ (३०/३१ हजार भारु) सम्ममा बेच्ने गरेको छ । आगामी साता दिल्ली–काठमाडौं रुटको भाडा १२ हजार भारुदेखि २२ हजारसम्म देखिन्छ । उडानको दिन नजिकिएसँगै यो झन् महँगो हुँदै जान्छ ।
सस्तोमा टिकट पाइयोभन्दा पनि काठमाडौं–दिल्ली आउन–जानलाई यात्रुले कम्तीमा ५० हजार नेपाली रुपैयाँ खर्चिनुपरेको छ । तसर्थ सातै दिन उडान अनुमति माग गरिएको पौडेलले बताए । त्यसो भए मात्र यात्रुलाई सहज हुने उनले उल्लेख गरे ।
यसअघि सन् २०२० डिसेम्बर १७ बाट दुवै मुलुकका ध्वजावाहकले दैनिक एउटा उडान गर्ने सम्झौता भएको थियो । तर दैनिक उडानका लागि भारत सरकारले कुनै आपत्ति नजाए पनि नेपालमा उडान बढाउनेतर्फ उसले चासो देखाएको छैन ।
© 2025 All right reserved to khabarcnter.com | Site By : Sobij
