२०८२ मंसिर १४ गते आइतवार
२०८२ मंसिर १४ गते आइतवार
शुक्रबार बालुवाटरमा संघका अध्यक्ष रञ्जन थापाको नेतृत्वमा गएको संघको प्रतिनिधी मण्डलले खेलकुद परिषद र खेल क्षेत्रमा रहेको विभिन्न बिकृती र विसंगतीलाई समेटर कर्मचारीका हकहितका बिषयलाई समेटेर परिषदका संरक्षक समेत रहेका प्रधानमन्त्री समक्ष ज्ञापन पत्र बुझाएको हो ।
राष्ट्रिय खेलकुद परिषद (राखेप) कर्मचारी संघले आफ्ना नीतिगत सुधार तथा कर्मचारी समायोजनमा राखेपको व्यवहारप्रति ध्यानाकर्षणसहितको मागपत्र प्रधानमन्त्रीसमक्ष पेश गरेको छ ।
राखेप कर्मचारी संघका अध्यक्ष रन्जन थापाले जारी गरेको विज्ञप्तिमा खेलकुद ऐनमा व्यवस्था भएअनुसार कर्मचारी समायोजन गर्ने समय घर्किसकेको अवस्थामा विना योजना प्रदेश र स्थानीय तहमा समायोजनको प्रयास भएकोमा विरोध गरिएको छ ।
त्यस्तै २०६३ सालदेखि स्थायी प्रक्रिया सन्चालन नभएको र २०६१ सालदेखि स्थायी नियुक्ति नहुँदा राखेपमा कर्मचारी अभाव सुरु भइसकेकोमा पनि ध्यानाकर्षण गराइएको छ ।
राखेप कर्मचारीलाई निजामती कर्मचारीसरह व्यवहार हुनुपर्ने, निजामती कर्मचारी अस्पतालमा उपचारको छूट हुनुपर्ने, अवकास लिँदा उपदान रकममा १५ प्रतिशत करकट्टा गरिएकोमा ५ प्रतिशतमा झार्नुपर्ने लगायतका माग प्रधानमन्त्रीसमक्ष राखिएको छ ।
यसअघि केपी शर्मा ओली प्रधानमन्त्री भएको बेलामा राखेपमा नयाँ नियुक्ति र बढुवा प्रक्रिया छिट्टै सुरु गर्ने आश्वासन राखेपका कर्मचारीले पाएका थिए ।
© 2025 All right reserved to khabarcnter.com | Site By : Sobij
